2008թ. փետրվարի 28-ին ՀՀ մայրաքաղաքում տեղի ունեցավ ԱՊՀ տարածքում ՀԱՊԿ տեղեկատվական աջակցության միջազգային հասարակական առաջին կենտրոնի (ՏԱՄՀԿ ՀԱՊԿ)բացման հանդիսավոր արարողությունը:
Արարողությանը մասնակցում էին ընդհարումների կանխատեսման կենտրոնի եւ ահաբեկչական ապառնալիքների վերլուծական կենտրոնի տնօրեն Ռամիլ Լատիպովը, ՀՀ-ում ՌԴ արտակարգ ու լիազոր դեսպան Սերեգինը, Հայաստանում ԵԱՀԿ ռազմաքաղաքական ծրագրերի ղեկավար Կարել Հոֆսրան, Հայաստանում ԵԱՀԿ առաքելության ղեկավարի տեղակալ Մարկ Վոյանիչը, ՀՀ-ում ՌԴ անվտանգության դաշնակցային ծառայության սահմանապահ վարչության պետ Ս. Պ. Բոնդարեւը, «Օրենք եւ իրավասություն» ամսագրի գլխավոր խմբագիր Տ. Ա. Բալասյանը, «Ռոս-զարուբեժցենտը» (ԱԳՆ ՀՀ-ում) ներկայացուցիչ Ա. Պ. Նիկոլայեւը, «Ռուսական մշակույթի օջախ» հասարակական կազմակերպության նախագահ Դ. Ֆ. Կուզինան, ԱԼՄ հոլդինգի սեփականատեր Տ. Կ. Կարապետյանը, ինչպես նաեւ դիվանագետներ, փորձագետներ եւ հայաստանյան ԶԼՄ-ների մի շարք ներկայացուցիչներ: ՏԱՄՀԿ ՀԱՊԿ ազգային ներկայացուցչության բացման արարողությունը սկսվեց ՀԱՊԿ-ի ակզբնավորման ու կայացման փուլերի, նրա գործունեության մասին պատմող վավերագրական ֆիլմի ցուցադրությամբ: Ռ. Լատիպովի խոսքերով բավականին խոսուն է այն փաստը, որ այս կենտրոնը հիմնադրվում է հենց Հայաստանում, եւ այն պատահական չէ, քանզի Հայաստանը հանդիսանում է Ռուսաստանի առաջատար գործընկերը:
Այս քայլը պայմանավորված էր ինչպես ՀԱՊԿ-ի մասին տեղեկատվության, այնպես էլ կազմակերպության նկատմամբ քաղաքացիների ցուցաբերած հետաքրքրության բացը լրացնելու միջոցով:
Ինչպես նշեց ՀԱՊԿ քաղաքական համագործակցության վարչության խորհրդական Անատոլի Չունտուլովը, Հայաստանում ՏԱՄՀԿ-ի բացումը երկարատեւ եւ քրտնաջան աշխատանքի արդյունք է, որը կոչված է գործակցել հասարակության հետ: ՀԱՊԿ ՏԱՄՀԿ-ի ազգային ներկայացչության տնօրեն Նվեր Թորոսյանը հայտարարեց, որ սույն կենտրոնի բացումը հույժ հիմնավորված է, քանզի ՀԱՊԿ-ի մասին իրազեկությունը առկա էր հասարակության բոլոր շրջաններում: Նրա խոսքերով կենտրոնի հիմնական եւ առաջնային խնդիրը ԶԼՄ-ների, հասարակության, կառավարության ներկայացուցիչների, տարբեր հասարակական եւ ոչ կառավարչական կազմակերպությունների ու անհատ քաղաքացիների հետ տեղեկատվության պակասի լրացման աշխատանք է լինելու:
Կենտրոնի բացումը ողջունեցին մի շարք ճանաչված քաղաքական գործիչներ, կազմակերպություններ, դիվանագետներ, փորձագետներ, հայաստանյան գործիչներ:
