2008թ. սեպտեմբերի 2-ին ՀԱՊԿ Տեղեկատվական աջակցության միջազգային հասարակական կենտրոնում տեղի է ունեցել Ն. Ն. Բորդյուժայի բրիֆինգը: Հանդիպման սկզբում նա շնորհակալություն է հայտնել պրն. Թորոսյանին բարի կամքի եւ ձեռնարկած քայլերի համար, որը թուլ է տալիս ավելի ակտիվ եւ նպատակադրված տարածել այժ ՀԱՊԿ-ում առկա տեղեկատվությունը: Նիկոլայ Բորդյուժան նշել է, որ կազմակերպությունը կարիք է զգում նման տեղեկատվական աջակցության գիտակցելով, որ կազմակերպությունը այնքան հզոր չէ այսօր ֆինանսական տեսակետից, ինչպես ՆԱՏՕ-ն, որը միլիոնավոր դոլլարներ է ծախսում եւ հանրության իրազեկումը համարում է իր գործունեության ծատ կարեւոր ու լուրջ ուղղություններից մեկը:
Մամուլի ասուլիս ժամանակ Նիկոլայ Բորդյուժան հայտարարել է, որ ՀԱՊԿ-ում մշտապես քննարկումներ են տեղի ունենում Լեռնային Ղարաբաղի հիմնախնդրի շուրջ եւ նշել նաեւ, որ կազմակերպության շրջանակներում նաեւ դիտարկվում են Ադրբեջանի կողմից ներկայացվող բանաձեւերը եւ անդամ-պետությունների տեսակետները դրանց վերաբերյալ:
«Բնականաբար մենք խոսում ենք այն բանաձեւերի մասին, որոնք առաջարկվում են ադրբեջանական կողմից եւ միաձային քվեարկության մասին: Իհարկե մենք խոսում ենք հիմնախնդրի հետ կապված քաղաքական ասպեկտի մասին: Բոլոր պետությունները հակված են սառեցված կոնֆլիկտների խաղաղ լուծմանը»,-ընդգծել է Նիկոլայ Բորդյուժան: Հ
ՀԱՊԿ գլխավոր քարտուղար հատուկ նշել է, որ ՆԱՏՕ-ն կարող է օգտվել ստեղծված իրավիճակից՝ Ուկրաինային դաշինքի մեջ ներգրավելու գործընթացը արագացնեու համար: «ՆԱՏՕ-ն, իհարկե, կօգտվի ներկայիս իրադրության պայմաններից: Ինձ մոտ այնպիսի տպավորություն է, որ ցլիկին քաշում են, իսկ նա համառում է: Ահա այսպես է այսօր բնութագրվում, ամեն դեպքում գոնե Ուկրաինայի հարցը»,- ասել է Ն. Բորդյուժան:
Նրա խոսքերով, իրադրությունն այժմ շատ պարզորոշ է, բոլոր դիմակները պատռված են: «Մենք այժմ տեսնում են՝ ով ով է, եւ ինձ արդեն հասկանալի է, թե ինչու ՆԱՏՕ-ն չէր ցանկանում համագործակցել կազմակերպության հետ՝ ՀԱՊԿ ձեւաչափում: Նախկինում տրված զանազան բացատրությունները ինձ համար ոչ այնքան հասկանալի էին: Իսկ ահա այժմ բոլորին պարզ է, թե ինչու էին մերժվում մեր նախաձեռնությունները, այդ թվում եւ Աֆղանստանից թմրանյութերի ապօրինի շրջանառության դեմ պայքարի հարցի վերաբերյալ: Երեւում է, որ ՆԱՏՕ-ի «ավագ եղբայրները» իրենց պատճառներն ունեին, եւ այդ պատճառներն շուտով բացահայտվեցին:»,-նշել է Բորդյուժան: Նրա խոսքերով ,բոլոր տեսակի ակնարկները, թե Ռուսաստանը պատրաստ է գրավել Ղրիմը եւ այլն, հենց այնպես չէին արվում:
