Արդի մարտահրավերներին եւ սպառնալիքներին դիմակայելու բնագավառում ՀԱՊԿ-ի գործունեությունը դառնում է էլ ավելի արդյունավետ, երկարաժամկետ եւ համալիրային:
Արդեն 2000թ. Հավաքական անվտանգության խորհրդի նստաշրջանում (ք. Մինսկ) ստորագրվել էր ՀԱՊ-ի արդյունավետության բարձրացման եւ արդի աշխարհաքաղաքական իրավիճակին նրա հարմարեցման մասին հուշագիրը, որի իրականացմամբ պայմանագիրը ուղղորդվեց միջազգային եւ տարածաշրջանային նոր սպառնալիքներին եւ մարտահրավերներին հակազդելու նպատակին:
Հուշագրում շեշտվում է. «Անհրաժեշտ է համարվում, որպեսզի ՀԱԽ-ի միջպետական մարմինները ավելի ջանադիր գործեն այդ ուղղությամբ` նախաձեռնելով միջազգային ահաբեկչության դեմ պայքարի ավելի կոնկրետ գործողություններ:
Այդ ասպարեզում ջանքերի կոորդինացման համար նպատակահարմար է որպես ՀԱԽ-ի խորհրդակցական մարմին ստեղծել անդամ-պետությունների Անվտանգության խորհրդի քարտուղարների կոմիտե (ԱԽՔԿ):
Հուշագրում ներկայացված այդ գրառումը իրականացվել է ԱԽՔԿ ստեղծելու որոշումը ստորագրելու արարողությամբ:
2001թ. մշակվեց միջազգային ահաբեկչությունը դիմակայելու պլան: Պետություններին ուղարկվեցին առաջարկություններ՝ կազմակերպության անդամ-պետությունների հակաահաբեկչական պոտենցիալը բարձրացնելու վերաբերյալ:
Այժմ այդ ուղղությամբ աշխատում է ահաբեկչության եւ ծայրահեղականության դեմ պայքարի հարցերով ԱԽՔԿ-ին կից ստեղծված փոարձագետների աշխատանքային խումբը:
Վերջին ժամանակներս ի լրումն գոյություն ունեցող կառույցների՝ ստեղծվել եւ իրենց աշխատանքն են ծավալում Թմրանյութերի ապօրինի շրջանառությանը հակազդող իրավասու մարմինների ղեկավարների կոորդինացնող խորհուրդը, ՀԱՊԿ-ի անդամ-պետությունների ապօրինի ներգաղթի դեմ պայքարի իրավասու մարմինների ղեկավարների կոորդինացնող խորհուրդը , ՀԱՊԿ անդամ-պետությունների արտակարգ իրավիճակների կոորդինացնող խորհուրդը:
Գործնականում կազմակերպության կողմից այդ ուղղություններով կատարվող միջոցառումները հաջողությամբ զարգանում եւ տալիս են իրական արդյունքներ:
Կատարելագործվում է համաթմրանյութային «Կանալ» օպերացիայի կազմակերպումն ու իրականացումը, ընդարձակվում է նրա մասնակիցների շրջանակը (կազմակերպված վերջին օպերացիային դիտորդի կարգավիճակով մասնակցեցին իրավապահ կառույցների ներկայացուցիչներ Ադրբեջանից, Աֆղանստանից, ՉԺՀ-ից, Լատվիայից, Լիտվայից, Մոնղոլիայից, Լեհաստանից, ԱՄՆ-ից, Ուկրաինայից, Ֆինլանդիայից, Էստոնիային, Թուրքմենիստանից, ինչպես նաեւ ինտերպոլից):
Հաշվի առնելով խնդրի արդիականությունը՝ ՀԱՊԿ անդամ-պետությունները ազգային իրավասու մարմինների կողմից 2006թ.-ից ակսած անց են կացվում միջոցառումներ ապօրինի ներգաղթին հակազդելու ուղղությամբ: Վերջին օպերացիան կրում էր «Անլեգալ-ՀԱՊԿ-2007» պայմանական անվանումը:
Ոչ սովորական իրավիճակը, որը անցած ձմռանը առաջացել էր Տաջիկստանում, ի ցույց դրեց բնական եւ տեխնածին բնույթի արտակարգ իրավիճակների (ԱԻ) հետեւանքների վերացման եւ կանխարգելման ասպարեզում կազմակերպության պոտենցիալի կիրառման հրատապությունն ու պահանջվածությունը:
2008թ. մարտին Կոորդինացիոն խորհրդի առաջին նիստին , բացի կազմակերպչական հարցերից դիտարկվեցին ԱԻ կանխարգելմանը վերաբերող կոնկրետ միջոցներ:
Իրագործվում են տեղեկատվական անվտանգության բնագավառում ՀԱՊԿ-ի գործունեության կազմակերպմանն առնչվող միջոցառումներ:
Ստեղծվել եւ գործում է ԱԽՔԿ-ին կից ժամանակավոր աշծատանքային խումբ, որը Քարտուղարության հետ պատրաստում է համապատասխան ծրագրի նախագիծ:
Տեղեկատվական-վերրլուծական ուղղությամբ հիմնական ուշադրությունը դարձվել է արդի սպառնալիքներին եւ մարտահրավերներին տեղեկատվական դիմակայման համակարգի ստեղծմանը եւ կազմակերպության դրական իմիջի բարձրացմանը ու ամրապնդմանը:
Նշված միջոցառումների ողջ ցանկը, բացի սպառնալիքների մեկուսացումից, կոչված է նաեւ անդամ-պետությունների համագործակցության եւ ՀԱՊԿ-ին իրենց անդամակցությունը ամրապնդելու նպատակին:
