ՀԱՊԿ անդամ-պետությունների փորձագետները քննարկել են Արեւմտյան Եվրոպա- Աֆղանստան միջանցքով Հյուսիսատլանտյան դաշինքի (ՆԱՏՕ) բեւեռների եւ ուժերի փոխադրման հարցերը [10.2.2009]

2009թ. փետրվարի 11-ին ՀԱՊԿ Քարտուղարությունում անցկացվեցին կազմակերպության անդամ-պետությունների արտաքին գործերի նախարարությունների եվ շահագրգիռ այլ գերատեսչությունների փորձագետների խորհրդակցություններ՝ Արեւմտյան Եվրոպա-Աֆղանստան միջանցքով ՆԱՏՕ-ի ուժերի եւ բեռների փոխադրման հարցերը:

Տեղի ունեցավ Աֆղանստանում տեղակայված անվտանգությանն աջակցող միջազգային ուժերին (ԱԱՄՈՒ) անհրաժեշտ բեռնափոխադրումներ իրականացնելու հետ առնչվող կազմակերպչական-տեխնիկական խնդիրների վերաբերյալ բանակցությունների արդյունքների մասին մտքերի փոխանակում :

Նկատի ունենալով ՄԱԿ-ի Անվտանգության խորհրդի N 1386 բանաձեւը, որով կոչ է արվում Աֆղանստանի հարեւան, ինչպես նաեւ ՄԱԿ-ի անդամ այլ երկրներին ընձեռնել Աֆղանստանում տեղակայված ԱԱՄՈՒ-ին անհրաժեշտ այնպիսի օգնություն, ինչպիսիք են օրինակ՝ բեռնափոխադրումները եւ այլ երկրների օդային տարածքների օգտագործումը: Խորհրդակցության մասնակիցները քննարկեցին նաեւ ոչ ռազմական բեռների կարգավորման փոխադրման հարցը: Դիտարկվեցին, մասնավորապես, բեռների ցանկի որոշման, մաքսային եւ երկաթուղային ենթակառուցվածքների գործունեության կոորդինացման խնդիրները:

«Փորձագետները նշեցին Աֆղանստանում տեղակայված ԱԱՄՈՒ-ի բեռնափոխադրումներին աջակցելու գործում համագործակցության կարեւորությունը եւ իրենց շահագրգռվածությունը հայտնեցին ՀԱՊԿ Քարտուղարության միջոցով բանակցություններում տեղեկատվության փոխանակմամբ կոորդինացնել իրենց համատեղ ուժերը»,-հայտարարեց խորհրդակցությունները խախագահող ՀԱՊԿ գլխավոր քարտուղար Ն. Բորդյուժան:

Նրա խոսքերով՝ նպատակահարմար է քննարկվող հարցի կապակցությամբ հանդիպումները դարձնել պարբերական, այդ թվում՝ կազմակերպության անդամ-պետությունների համապատասխան գերատեսչական մարմինների ներգրավմամբ: